Jenesis
God Em i tokim Abram.
12
1BIKPELA Em i tokim Abram olsem na Em i tok, “Yu mas lusim kantri bilong yu, na ol lain bilong yu, na ol haus lain bilong papa bilong yu. Yu mas lusim ol na go long wanpela hap Mi bai soim yu.
2Mi bai mekim yu i kamap strongpela grup stret,
na Mi bai blesim yu.
Mi bai mekim nem bilong yu i kamap biknem stret,
na yu bai i stap olsem wanpela blesim.
3Mi bai blesim husat i blesim yu,
na Mi bai bagarapim husat i bagarapim yu,
na long rot bilong yu,
olgeta lain manmeri i stap long dispela graun bai kisim blesim.”
4Em olsem na Abram i lusim ples bilong em olsem BIKPELA i bin tokim em. Na Lot i go wantaim em. Abram em i 75 yia pinis na em i lusim ples Haran. 5Em i kisim meri bilong em, Sarai, na Lot, pikinini bilong brata bilong em, na olgeta kago bilong ol, na olgeta wok manmeri bilong ol, na olgeta i lusim Haran na i go kamap long ples Kenan.
