• Stat
  • Nupela Tok Pisin Baibel
  • Ol Stadi Buk
  • Autim Tok
  • Sande Baibel Toktok
  • Toktok Bilong Kisim Save
  • Gutnius Toktok
  • Raitim Pas

Ol Provep

19

1Rabisman i wokabaut long stretpela tingting bilong em
i winim man i mekim kranki toktok na em i wanpela ful.
2Sapos wanpela man i hangre long ol sampela samting na em i no gat trupela save, orait dispela i no gutpela,
na man i hariap na tromoi lek, em bai abrusim rot bilong em.
3Taim man i mekim pasin bilong ol ful na em i bagarapim em yet,
long bel bilong em, em bai belhat nogut tru long BIKPELA.
4Planti mani i save kamapim planti nupela pren,
tasol taim man i kamap rabisman, ol pren bilong em bai lusim em.
5Man i tok giaman long kot, em i no inap abrusim pe nogut,
na man i autim giaman toktok, em bai i no inap eskep.
6Planti man ol i laik kamap pren bilong man i gat namba,
na olgeta man i prenim man i tromoi planti presen.
7Ol brata bilong rabisman, ol i hetim em;
hamas moa ol pren bilong em i stap longwe long em.
Maski em i singaut long ol, em i no inap lukim ol.

8Man i kisim gutpela tingting, em i man i lavim laip bilong em;
man i holimpas klia tingting, em bai lukim ol samting i gutpela.
9Man i tok giaman long kot, em i no inap abrusim pe nogut,
na man i autim giaman toktok, em bai lus olgeta.
10Sapos wanpela ful i stap na em i sindaun long ol gutpela samting, orait dispela i no stret,
na sapos wanpela slev i bosim ol man i gat namba, orait dispela i no stret moa.
11Man i gat gutpela tingting em i no inap belhat hariap,
na em i glori bilong em long lusim tingting long sem ol i mekim long em.
12Belhat bilong king i olsem krai bilong wanpela laion,
tasol orait bilong king i olsem diu i kamap long gras.
13Pikinini man i ful, em i bagarap bilong papa bilong em,
na meri i tok pait olgeta taim i olsem ren i drop drop olgeta taim insait long haus.
14Graun na mani i kam long man long rot bilong papa,
tasol meri i gat save na i skelim gut tru olgeta samting, em i kam long han bilong BIKPELA.
15Les pasin bai kisim bikpela slip i kam,
na man i no save wok, em bai hangre.

16Man i lukaut long bihainim stia toktok em i lukautim laip bilong em;
man i rabisim wei bilong em yet, em bai i dai.
17Man i givim helpim long ol rabisman i olsem em i givim dinau long BIKPELA,
na Em bai bekim dispela dinau.
18Stretim pikinini man bilong yu, long wanem, i gat hop i stap long dispela pasin;
long bel bilong yu, yu no ken i orait long em i dai.
19Man bilong belhat em i mas karim hevi bilong pasin bilong em,
long wanem, sapos yu helpim em, pasin bilong em i no inap pinis.
20Harim na bihainim stia tok na wanbel long kisim skul,
na bihain bai yu stap laip wantaim ol man bilong trupela save.
21Planti tingting na plen i stap long bel bilong man,
tasol samting BIKPELA i laik kamapim bai kamap tasol.
22Yumi manmeri yumi laik lukim pasin bilong feitful lavim;
man i stap rabis i winim man i mekim giaman.

23Pasin bilong pret long BIKPELA em i rot bilong laip,
na man i kisim dispela pasin em i save malolo long bel isi,
na trabel i no inap pundaun long em.

24Lesman i save putim han bilong em long dis,
tasol em i les tumas long apim kaikai i kam long maus bilong em.
25Paitim man bilong tok bilas, na bai yu lainim man i no gat save long skelim gut ol samting long laip bilong em;
stretim man i gat save, na em bai kisim save moa.
26Man i bagarapim papa bilong em na i rausim mama bilong em,
em i pikinini nogut i kisim sem na tok nogut i kam long femili.
27Pikinini bilong mi, sapos yu lusim pasin bilong harim tok,
bai yu lus long tok bilong trupela save.
28Korap witnis i save tok bilas long kot i stret na fea,
na maus bilong ol man nogut i save kaikaim ol pasin nogut.
29Pe nogut i redi i stap bilong ol man bilong tok bilas,
na stik i stap bilong paitim baksait bilong ol ful.

 
Bipo Sapta 
Neks Sapta 
 
Kisim Buk Ol Provep
Email Updates [MailChimp Embedded]

Kisim Toksave Long Email

Taim nupela toktok i kamap long websait yu ken i kisim toksave long email.



Orait, putim kesa antap long bokis daunbilo na presim baten


Recent Posts

Ol Nupela Toktok

  • Prea na tok bilong God i groim sios.
  • Prea na tok bilong God i kisim manmeri i kam.
  • Pren o birua?
  • Sapos God i pas long en, em i no inap feil.
  • Manmeri i witnisim Jisas trutru bai ol i kisim hevi.
  • Manmeri i witnisim Jisas trutru bai ol i kisim hevi.
  • God i blesim trupela bilip.
  • God i blesim trupela bilip.
Sunday’s Word [MailChimp Embedded]

Sande Baibel Toktok Email

Sapos yu laik yu ken i kisim Sande Baibel Totktok long email.



Orait, putim kesa antap long bokis daunbilo na presim baten

Sunday’s Word Highlights

Nupela Sande Baibel Toktok

  • Prea na tok bilong God i groim sios.
  • Pren o birua?
  • Manmeri i witnisim Jisas trutru bai ol i kisim hevi.
  • God i blesim trupela bilip.
  • Giaman bilip em i samting nogut tru.
  • Mak bilong trupela bilip.
  • Prea God i save harim.
  • Yumi bai harim tok bilong husat?

© 2021 PNG Bible Resources.

Tok Orait na Tok Nogat bilong copyright.

 

Creative Commons Licence
Except where otherwise noted content on this site by J Glenn Calderwood is licensed under a Creative Commons Attribution-ShareAlike 4.0 International License.