Ol Provep

¹Bel bilong king, long han bilong BIKPELA, em i olsem wanpela wara;
BIKPELA i stiaim em i kam long manmeri i bihainim Em.
²Olgeta wanwan pasin bilong man em i stret long ai bilong em yet,
tasol BIKPELA i save skelim bel bilong man.

³Long ai bilong BIKPELA, pasin bilong mekim pasin i rait olgeta na mekim pasin i stretpela olgeta
i winim pasin bilong mekim ofa.
⁴Ai i hambak na bel i apim em yet,
tupela i olsem lam bilong manmeri nogut,
na tupela em i sin.
⁵Ol plen bilong man i feitful long mekim wok bai kamapim planti samting,
tasol manmeri bilong hariap tumas, bai ol i sot tru.
⁶Mani i kamap long rot bilong giaman toktok,
em i olsem win na em i wanpela trep bilong i dai.
⁷Kros pait bilong ol man nogut bai karim ol i go,
long wanem, ol i tok, “nogat,” long bihainim pasin i stret na fea.
⁸Wokabaut bilong manmeri nogut em i kranki,
tasol pasin bilong stretpela manmeri em i klin na stret.
⁹Sindaun bilong man i stap long liklik kona bilong rup bilong haus
i winim sindaun bilong man i stap long bikpela haus na meri bilong em i kros kros olgeta taim.
¹⁰Spirit bilong man nogut em i hangre long pasin nogut;
neba bilong em i no inap lukim marimari bilong em.
¹¹Taim ol i mekim save long man bilong tok bilas, orait man i no gat save bai kisim trupela save;
taim man i gat trupela save i kisim skul, orait em bai kisim save long planti samting.
¹²STRETPELA MAN i save lukim haus bilong ol man nogut
na Em bai pundaunim ol na ol bai bagarap.
¹³Man i pasim ia bilong em long krai krai bilong ol rabisman,
bihain em yet bai singaut, tasol singaut bilong em bai go nating.
¹⁴Wanpela presen long ples hait, i ken i slekim belhat,
na wanpela braibim long ples hait, i ken i slekim bikpela belhat.
¹⁵Taim pasin i stret na fea i kamap ol stretpela manmeri i amamas,
tasol ol man nogut i pret nogut tru.
¹⁶Man i lusim rot bilong gutpela tingting
em bai kamap long bung bilong ol man i dai pinis.
¹⁷Man i lavim gutpela sindaun tasol, em bai i stap rabisman;
man i lavim wain na wel bilong oliv, em i no inap i kamap maniman.
¹⁸Ol man nogut bai kisim ples bilong ol stretpela man na kisim hevi bilong ol,
na wankain olsem long ol man bilong giaman na ol gutpela man.
¹⁹Sindaun bilong man i stap long ples deset
i winim sindaun bilong man i stap wantaim meri bilong kros kros na bel hat olgeta taim.
²⁰Long haus bilong man i gat trupela save planti gutpela samting na gutpela wel bilong oliv i stap,
tasol ful em i kaikaim na pinisim olgeta samting bilong em.
²¹Man i wok long kisim stretpela pasin na pasin bilong wanbel na helpim
bai lukim laip na stretpela pasin na ona.
²²Man i gat trupela save bai kalap long banis bilong siti bilong ol strongpela man
na pundaunim strongpela samting ol i save trastim.
²³Man i pasim maus na tang bilong em,
i pasim rot bilong trabel i ken i kam long em.
²⁴“Man bilong tok bilas” em i nem bilong man i hambak na i apim em yet long bel bilong em;
em save wokabaut long bikpela hambak stret.
²⁵Strongpela laik bilong lesman bai kilim em,
long wanem, han bilong em i les long mekim wok.
²⁶Long olgeta aua na minet bilong de strongpela laik bilong em i sikrap,
tasol ol stretpela man ol i save givim helpim na ol i no slek long mekim olsem.
²⁷Ofa bilong man nogut em i pipia nogut tru;
hamas moa ofa bilong em i pipia nogut tru taim em i kisim tingting nogut na em i karim ofa i kam.
²⁸Man bilong mekim giaman witnis bai i lus olgeta,
tasol tok bilong man i save harim tok bai i stap.
²⁹Man nogut em i save strongim fes na difenim em yet,
tasol gutpela man bai tingim na skelim pasin bilong em yet.

³⁰I no gat wanpela save o wanpela klia tingting o wanpela stia tok
inap sanap na winim BIKPELA.
³¹Ol man ol i ken i redim hos bilong ol bilong mekim pait,
tasol win em bilong BIKPELA.